ఓ కృష్ణశాస్త్రి నీ పాట                             సంగీతం, సాహిత్యం,   గానం : పాలగుమ్మి విశ్వనాథం

ఈ గీతం వినడానికి:  
(బటన్ నొక్కాక పాట వినడానికి అవసరమైతే కొంచెం వేచి ఉండగలరు)

 ఎటు చూసినా తెలుగు నాట వినిపించు ప్రతీ నోట
ఓ కృష్ణ శాస్త్రి నీ పాట
దుమ్ము ధూళీ దులిపీ పాత మాటలనె కలిపీ
కొత్త అర్ధాలు నిలిపీ పాటలు చెక్కే శిల్పీ

వినిపించు ప్రతీ నోట
ఓ కృష్ణ శాస్త్రి నీ పాట

ఇలలోజరిగిన సమస్తం పలుకుతుంది నీకవిత్వం
మూగబోయినా నీగళం నీ పాటలు పాడును ప్రతి గళం

వినిపించు ప్రతీ నోట
ఓ కృష్ణ శాస్త్రి నీ పాట

మానవతావాదీ వసుధైక కుటుంబం నీది
హృదయాలు తట్టి పిలిచేది ఏనాటికైన నిలిచేది
అసలైన కవిత నీది అది విన్న భాగ్యమే మాది

వినిపించు ప్రతీ నోట
ఓ కృష్ణ శాస్త్రి నీ పాట

నారాయణ అల్లాయని శివశివయనరాదాయని
అందాల మేఘమాలాయని పదములే చాలు రామాయని

ఒకపదమా ఒకపాటా నీవు అన్న ప్రతిమాటా
ప్రతిధ్వనించును ప్రతి చోటా

వినిపించు ప్రతీ నోట
ఓ కృష్ణ శాస్త్రి నీ పాట

చిందరవందర జుట్టు చిరుగాలికి ఎగురును అట్టిట్టూ
అందరినీ మరి ఆకట్టూ రవంత అత్తరు బొట్టూ
అత్తరు బొట్టూ ఎగిరే జుట్టూ
అందరికంటే పైమెట్టు భావ కవితకే సామ్రాట్ట్తు

వినిపించు ప్రతీ నోట
ఓ కృష్ణ శాస్త్రి నీ పాట

దేవులపల్లి కృష్ణ శాస్త్రి గారి ఎనభయ్యవ పుట్టినరోజు సందర్భంగా పాలగుమ్మి విశ్వనాథం గారు
రచించి, స్వరపరచి, పాడిన పాట. ఈ పాటను ఆనాటి సభలో కృష్ణ శాస్త్రి గారి ఎదుట పాలగుమ్మి విశ్వనాథం పాడారు.

 మీ అభిప్రాయాలు, సలహాలు మాకెంతో అవసరం. దయచేసి మీ అభిప్రాయం ఈ క్రింది పెట్టెలోతెలపండి.
(Please leave your opinion here)

గమనిక: మీ విద్యుల్లేఖా చిరునామా ఎవరితోనూ పంచుకోము; అనవసర టపాలతో మిమ్మలను వేధించము.    మీ అభిప్రాయాలను క్లుప్తంగానూ, సందర్భోచితంగానూ తెలుపవలసినది. (Note: Emails will not be shared to outsiders or used for any unsolicited purposes. Please keep comments relevant.)